Pò esse bellu

Pò esse bellu …

Un sguardu luminosu è dolce
Ùn pare nunda , po esse tuttu.
Duie note, una voce,
è u fiore diventa fruttu

Un surisu bellu è sinceru
O ancu puru maliziosu
mette u vestitu neru
Di l’omu u più angusciosu

Pudemu tutti truvà regali inde a natura
Allora vi vogliu dì, allora vi vogliu cantà:

Pregate, sunniate per quelli chì ùn ponu
Pensate à tutte l’anime à l’abbandonu
Po esse bellu u mondu, po esse bellu quandu si sà perdunà
Po esse di più dolce quand’ellu si sà amà

Una manuccia chì hè tesa
Per adulcì una ferita
Cum’una preghera in chjesa
Ci offre un’allegerita

Un basgiu francu chì ghjè datu
Vale di più chì e ricchezze
Vene à sguassà un passatu
di dulore è d’amarezze

Pudemu tutti truvà regali inde l’umanità
Allora vi vogliu dì, allora vi vogliu cantà :

Ballate è po date tuttu u vostru amore
Ridite, spartite cù a virtù di lu core
Po esse bellu u mondu , po esse bellu quandu si sà ascultà
Po esse ancu dolce quand’ellu pianta di mughjà

Parolle : Carlotta Rini
Musica : Sylvie Iozzia/Giorgi

Il peut être beau..

Un regard lumineux et doux
Cela ne semble rien, cela peut être tout
Deux notes, une voix
Et la fleur devient un fruit

Un sourire beau et sincère
Ou bien même malicieux
Met le manteau noir
De l’homme le plus accablé

Nous pouvons tous trouver des cadeaux dans la nature
Alors je veux vous dire, alors je veux vous chanter :

Priez, rêvez, pour ceux qui ne peuvent pas
Pensez à toutes ses âmes abandonnées
Le monde peut être beau lorsque l’on sait pardonner
Il peut être plus doux quand on sait aimer


Une petite main qui est tendue
Pour adoucir une blessure
Comme une prière dans une église
Nous apporte la légèreté

Un baiser franc qui est donné
Vaut plus que les richesses
Il vient effacer un passé
Douloureux et amer.

Nous pouvons tous trouver des cadeaux dans l’humanité
Alors je veux vous dire, alors je veux vous chanter

Dansez puis donnez tout votre amour
Riez et partez avec les vertus du cœur
Le monde peut être beau lorsque l’on sait écouter
Il peut être même doux lorsqu’il arrête de crier

Paroles : Carlotta Rini
Musique : Sylvie Iozzia/Giorgi